كلمات اغنية السنافي بو سالم

قم يا نديبي وانتهض للبعايد من فوق لي ما يتعبنه المسافات شاص عماني يضوي الشرايد واسلم وسلم للسنافي هالأبيات في مثل بوسالم تقال القصايد نجم سطع بين النجوم المنيرات يستاهل المدح وجديد النشايد مالي عذر لو ما كتبت الجزيلات الرجل هذا ينعرف في الشدايد عند اللوازم لا يجيل ولا يبات يوكل عليه الأمر لا صار كايد ويطوعه طوع البكار الصعيبات النادر اللي من سلالة فرايد حربي تربى عالفخر والبطولات خميس كفه ما تحسب الفوايد تعطي دبل ما حوشت ف الحسابات محزم ظفر ماهو بمحزم جرايد عز الله انه يفرحك في المهمات عساه يسلم مالنكد والحقايد ويدوم راسه للعلوم المنيفات