كلمات اغنية اهتز قلبي

يامل قلب تجره في الهوى نورة جرة حبال على مطوية الجالي لقيتها البارحة والنفس مسرورة ثم رحت قدني من المسيار متبالي يوم اشبحت لي وانا ابغى اقول ماجورة فزيت من مقعدي ثم طاح فنجالي اهتز قلبي ودارت الارض بي دورة وقمت اتصدع على يمناي وشمالي الله عطاها جمال الكون والكورة من شافها يامحمد صابه هبالي وزود على زينها وثلة ومستورة وتزين القاع في الاقفى والاقبالي ياشبه ظبي من القانص نوى الذورة ماصاده اللي تركد له بالسهالي أبو دليق على الامتان منثورة والخد براق صيف يشعل اشعالي لو ينشكى حبكم في كل منشورة ماعد خط القلم من كل ماجالي مريت خلي واثر ذيك القاع محظورة ومن زار ذاك الوطن ماراح متشالي ياليت عندي من الذكرى لها صورة وأكتب عليها هدية واحد غالي