كلمات اغنية باب الخيمه

للمرنمة يوستينا سمير ـــــــــ عدد ١ اللي يسيب نفسه مع العالم العالم هيلوث قلبه و اللي بيستسلم للموجة البحر هيظهرله مقالبه طـرق الشر بقت بتقرب تدي الفرصة للي يجرب و المأسور هيحاول يهرب بعد ما رفض اللي بيحبه ـــــــــ قرار باب الخيمة هيفضل فاتح و الراعي بيستنى خرافه و المتأخر و بعيد سارح هو مراقبه بعينه و شافه خوفه عليه هيحرك غيرته يمشي وراه من نفس مسيرته وبإلحاح هيرده حظرته متشال بحنان على أكتافه الوهم المعروض مش هـين و الغربة بتتلف عشاقها و التربة أن ماكانتش قوية الزرعة هتدبل من ساقها و الينبوع موجود قدامنا بيرحب مهما ان كان حالنا و بيغسل طينا و اوحالنا و بيدي للنفس حقوقها