كلمات اغنية بين الذيابه والخلا

بين الذيابه والخلا والرمالي سجيت مقفي ما رضيت المهينه عن من غلاه إدمان بين بحالي واصبحت كني بين كفه رهينه اطرب على شوفه وصوته وصالي واقرب لعيني م الهدب لا جفينه واستمتع ابطاريه واطلق خيالي لين اتشكل همس بيني وبينه يقلون به م الغطرسه ما يقالي واقول هذا اللي مكمل بزينه اليا ظهر بعد البطى والسوالي قلنا هلال العيد يا راصدينه و تغيرت الاوضاع عقب الموالي سجل بكفه وصمته في جبينه بلا سبب عني رحل ما يبالي وانا اللي احسب العلاقه متينه بين الغلا والهجر في ليل طالي كني على موجة ظلام ابسفينه الموج كنه شاهقات الجبالي وانا تقول ابره بقش المدينه نبرات صوتي عقب علقت امالي تقول شايب عود ولت سنينه بذلت لأجله كل كايد وغالي بعد التعب صار النهايه حزينه تايب وابي الصحه وهي راس مالي فالحب ميدان القهر والغبينه