كلمات اغنية شابت بي الدنيا

لا والله اللي لاح في عارضي شيب لو جيت ابغطيه ما ينتغطا شابت بي الدنيا وشفنا التعاجيب مره نعديها ونوبه انتخطا مليت من كثر الهواجيس يا ذيب العمر عدا شبته ثم خطا ووجد حالي وجد من له مطاليب تاهت به الافكار والعقل شطا الله من قلب تتله كواليب عقب الغناه اليوم راح ايتعطا للحزن مرسى وللحنايا مناديب تجثم على صدره وهي مغتبطا وتل قلبي تلة الغيص للسيب يوم اقبل المحضور والسيب ابطا في لحظة تجزع به الروح وتغيب حارت عيونه وازرق الموج غطا تقسي علينا وقسوة الوقت تأديب هذي هي الدنيا وطت من توطا يالله ياللي تعلم السر والغيب تزيل هم العبد لو انه اخطا وارفع مقامي عن دروب العذاريب ماني من اللي يفعل العلم الاوطى