كلمات اغنية شفت الرياض

شفت الرياض اللي تجفاه ديمه وانبت من الوسمي تباشير وازهار احب شوفه وابهج من نسيمه واحب شوف النبت لا عزل وثار كم روح امست من وجعها سجيمه وشوف الفيافي يجلي النفس الاخطار ولا انت ياللي لك عيون رحيمه اكتب على شانك جزيلات الاشعار من بيني وبينك مواقف عظيمه ود المحبه بيننا واعظم اسرار احبكم حب النفوس الحشيمه حب يخلد في معاليق الاحرار وان كان عرض في سما الحب غيمه ولدت عليها بالمواشين الانظار صبري عليها دام للعز قيمه الوقت ينصف كل ماعرض وادار والا انت ياظبي الفيافي وريمه خذ ما بقى مني من ايمين ويسار وكن الدروب لـ يم غيرك عتيمه مالي على غيرك من الناس واختار عشت الحياة وشفت فيك الغنيمه في وجهك اللي به تباشير وانوار احبكم حب الليالي القديمه اللي بها ود المحبين تذكار انته هوى روحي ونشوة نسيمه وانته لروحي ياهواها لها دار