كلمات اغنية قدر قدر

قدر قدر موضوعنا أكبر من بيوت الشعر وأحداث مرت تنسي وأحداث تمت عالقه حاولت أفسر ما مضى وأستخرج دروس وعبر وفي مدرسة الأيام وأكتب لي قصيده فارقه بديت أدور في وجوه الناس يا ليل وقمر كل الوجوه تغيرت وين الوجوه الشارقه شو السالفه نزرع وفا نسقي وفا ينبت غدر ولا يطعنك إلا قريب من وفاك تعانقه سبحت في بحر الوله مافيه للشاطي أثر وبحر الوله حتى الشواطي فيه ناس غارقه بعض الغلا يرفعك لين المجد ومخلد ذكر وبعض الغلا ينزلك من نيف السنين الشاهقه وأنا ما بين البين لا هذي ولا هذي مقر ساعات دنيانا مطر وساعات جمره حارقه وأنا خيالي يستهيض الشعر ويسيل نهر وأنا نهر ميت ضما يبكي سحاب مفارقه وأنا كتبتك من ثلاث حروف يا حـص البحر وكل حرف لي نبض وعمر وكل حرف قلبي عاشقه في العاليه صوتك بقى لبيه من صوتك عبر ويفز قلبي من غلا و آقوم شوق أعانقه أحتاج لك في دنيتي وتمر في بالي صور وأحتاج لك مثل النفس للروح صعب آفارقه مدام عشت بحبكم كل نبض في قلبي فخر وأنا أصـايل في العمر دايم علامه فارقه