كلمات اغنية مرت سنيني

لا تتعب القلب يا من تملك أشجانه عشقك غرامي و روحي لك مراسيها ينبض شعوري ب حبك و إنت شريانه يا بسمة العمر و أمالي و أمانيها كثر الوله لك حبيبي رف جنحانه مرساله الود يا روحي و غاليها برسل مع الشوق حبي و نفس ولهانه و طيب المحبه منابع طاب ساقيها يا حرف شعري غرامك شيد أركانه و سيست من لبة إحساسي معانيها أرسم طيوفك على جيده و عنوانه و أروي خفوقي من الأشعار و أسقيها أسامرك نجم يحكي لي عن أزمانه و يطول ليلي على ذكرى لياليها مرت سنيني و عمري ذبلت ألوانه كم عشتك أشواق يا روحي و مشقيها إنزع ستار الغياب و حرك أغصانه أوراق حبك من الريحان كاذيها أفرشت لك ورد وسط الصدر بستانه و أشواق يا روح روحي لك أبديها وفيت حبك و منك الروح رويانه إنت الغلا كله أولها و تاليها يا مملكة نبض قلبي و كل بنيانه لو السعادة في كفي لأجلك أشريها