كلمات اغنية معلش يا قلبي

معلش يا قلبي يا أكتر قلب شفتة حزين، وعاش محروم من الفرحة حبايبك كلهم غايبين، وأحزانك سنين طارحة ناديت ع الفرح قال لأه، ولا مرة من المرات مفيش جواك ولا دقة، مبتصرخش م الآهات معلش يا قلبي ياللي واخد ع الجراح حبايبنا خلصوا، اللي فارق واللي راح والناس اللي بينهم كنا حاسين بالبراح معلش يا قلبي، ياللي شيال الحمول قدرنا ونصيبنا صبرنا ع الويل يطول وتفضل جراحنا قايدة زايدة مفيش حلول ساعات بستغرب انت ازاي قدرت يا قلبي تتحمل وازاي ف اللي لسه جاي بنفس القوة هتكمل جراحك خلوا شكلي حزين، وباينة عليا من برّة جراح لو داقها ناس تانيين، كانت ماتت ميتين مرّة معلش يا قلبي ياللي واخد ع الجراح حبايبنا خلصوا، اللي فارق واللي راح والناس اللي بينهم كنا حاسين بالبراح معلش يا قلبي، ياللي شيال الحمول قدرنا ونصيبنا صبرنا ع الويل يطول وتفضل جراحنا قايدة زايدة مفيش حلول