كلمات اغنية نور على نور

يالفرحة اللي لِفَت وإكتملت الفرحة نـوّرتي بـِقدومِك الـدار وْ ضواحيـها يامرحبا بـ"نور" وْحيّ القبلة السمحة والشـوفة اللي تِرِد الروح وْ تحيـيـها وجودِك إحساس نعجز لو نبي شرحه كِمّية امن السعادة صعْب نحصـيـها طفلة وْقَدرِك على عرش الغلا صرحة مـحـبَّـة بْـكبْـر هـالدنـيـا و مـا فيـهـا يللي حجزتي بْغلاك وْ وَجهِك وْمِلحة مكانـتِـك في نـفـوس ٍصـرتي غالـيـها شافت في عينِك وضحكة روحك المرحة أشيـاء صَعْـب ٍنـقاوِمها وْ نِـعَـدّيـهـا هديّـة الله لـنـا وْ من جَنِّـتـه نَفـحـه جابِك بَعَد صبْر وْدَعوة كِنّـا ندعيها وامسيتي لِعْيون أبوك النور والفرحة وانفاس روح أمّـك وْ غايـة أمانـيـها من إسْم عَمَّتْك أخذتي وَجهها وْصبحه "نورٍ على نور" يـملا الدار وْ يضويـهـا عقبال أشوفِك عروسٍ لابسة الطرحة وْبنتٍ عـزيزة ويـرفع راسـي طاريـهـا معلومات الاغنية أنور المشيري - نور على نور (مهداة الى نور بنت عبدالله المنصوري) | 2021 شعر وإلقاء : الشاعر أنور المشيري إنتاج : عبدالله المنصوري