كلمات اغنية هيبة احمدية

چنّه حيدر من يقاتِل .. سيفه يرمي حِمَم چنّه حيدر من يقاتِل .. بيده رف العلَم صوله هاشميّه هيبه أحمديّه ~ رجف قاع الطفوف وبالسِمه ثار الغبار برز للحومه فارس وانحجب نور النهار فلا تسمع سوى كلمة (عليكم بالفرار) علي الكرار إجانه ورجع حامل ذو الفقار إجه امضيّق لثامه / بطل، نوره علامه عزيز وقلبه سايِر / على دين الإمامه الكتايِب عالكتايِب .. بيها دَبّ الرُعُب وإليباعِد ما يحارِب .. للأجل يقترُب هزّ الغاضريّه هيبه أحمديّه ~ حمل والعسكر احتار المفر ما يدري وين حسامه يضرب إلفَر باليسار وباليمين يصول وكل عدو هذا علي عنده يقين ولنّه يرتجز (آنه علي بن الحُسين) يِكُرّ او عِيده حَربه / إليفُر من سيفه صعبه بليغ ابإرتجازه / وفلا ثنّى له ضربه سيفه نازِل بالجماجِم / والعلَم معتلي عالمبادِئ ما يساوِم / صرخته يا علي ضربه حيدريه هيبه أحمديّه ~ هتف إيماني موقف والنحر عزمي يريد أحارب وأقلب الدنيا ولا ابايع يزيد ملايك تضوي دربي ولا تظنّوني وحيد إذا أفنيكم اجهنّم ترِد: (هل من مزيد) ثبت بالله يقيني / ملايك يحتويني حَرَس نزلت حمايه / عن ايساري ويميني عالولايه لَحمي نابِت .. عقلي يحمِل وَعي بالشدايد قَولي ثابِت .. ما أبايع دَعي وينه إليدنى ليّه هيبه أحمديّه ~ تقدّم، صوته آنه اعلى العِرِض والله غيور ترى اعلى اجنازتي لمّن توصلون الخدور يعالَم تعرفون الحيدري لمّن يثور أساس الجيش أقلعه ابضربه وحده امن الجذور غيور ومنهو يقرب؟ / يدوّر أدنى مهرب أقِلعه وآنه قلبي / أحسّه جمره تلهب اللي يَقرَب للحراير .. للعذاب أنقِله هذا وَعدي ويومي عاشِر .. والأرُض كربله ناري ملتظيّه هيبه أحمديّه ~ لإمامي أبقى جندي وأرخص ابحبه الدماء وََلائي وآنه دون ابن النبي دمّي فداء أصيل اعليه تشهد كل بوادي كربلاء يظل اسمي شهيد ومن أعز الشهداء إلينا القتل عاده / وكرامتنا الشهاده أظل إلموتي جُندي / على أمر القياده بالشهاده نجمي ساطِع .. والعُلا مَطلبي صوتي باقي بالمسامِع .. أفدي دين النبي أرضيها الزچيه هيبه أحمديّه