كلمات اغنية وببكي

وبابكي لو بعدتي ف يوم عشان عايزك تضميني وبابكي لو رجعتي ف يوم عشان خايف تفارقيني وبين الشوق وبين الخوف دموع جوايا بتماطل بتسرق من عيوني الشوف اشوف كل الوجود باطل ولما الليل ف روحي يزوم وتعلى حيطانه قدامي باطاردك ف الدروب مهزوم واقابلك جوه احلامي واغنيلك بصوت مهموس وكفك نور على جبيني ماليش غيرك ف ليلي شموس مافيش غيرك بيحييني هنا ف الحلم نتلاقى وافارق فيكي اوهامي هنا وياكي باتشاقى هنا على كتفي بتنامي واغنيلك بصوت هامس يعود الفجر من تاني تردي بضحكة نتلامس تنام جواكي احزاني هنا ف الحلم نتلاقي وافارق فيكي اوهامي هنا وياكي باتشاقى هنا على كتفي بتنامي هنا ف الحلم بالقاكي عشان مابكيش هنا ف الحلم وياكي حبيبتي باعيش